Lidhja e Atdheut dhe Xhulit në Big Brother VIP Kosova zgjati 1 javë!

Atdheu sapo hyri në Big brother VIP Kosova tregoi menjëherë interes për Xhulin, një nga konkurrentet më të forta në shtëpi. Dyshja brenda pak kohësh arritën të afroheshin e madje të shtunën e kaluar dhuruan puthjen e parë. Mirëpo në prime-n e të premtes Atdheu i ka dhënë fund kësaj lidhjeje që krijoi brenda shtëpisë. Shkak u bë një video ku Xhuli fliste për një person që ka lënë jashtë shtëpisë, me të cilin po njihej. Atdheu u shpreh i zhgënjyer dhe tha se e ndërpret këtu lidhjen me të. Ndërkohë Xhuli nga ana tjetër u prek dhe tha se Atdheu ka luajtur me të. Kështu brenda 1 jave dyshja i dhanë fund ‘lidhjes’ që kishin krijuar duke e bërë këtë marrëdhënien më të shkurtër brenda këtij show.