Tyler Cameron dhe Gigi Hadid kanë arritur në një stad të lidhjes ku partneri i supermodeles mund të njihet me disa nga miqtë e saj më të afërt, si përshembull Serena Williams. Tyler dhe Gigi u kthyen nga pushimet e fundjavës dhe janë parë në një tjetër takim, këtë herë bashkë me sportisten e njohur. Sipas një burimi për “UsWeekly”, Gigi e pëlqen shumë Tyler dhe marrëdhënia e tyre deri tani po shkon shumë mirë dhe sipas “E!News” e njëjta gjë vlen edhe për këtë të fundit. “Ata kanë një lidhje të fortë, megjithatë momentalisht thjesht po shohin se si do shkojë situata. Të dy dalin gjithmonë në prani të miqve të tjerë për të mos e bërë lidhjen e tyre të duket si diçka serioze në sy të publikut, por ai gjithmon përfundon në shtëpinë e Gigi-t”, është shprehur një burim. Tyler ende nuk r ka takuar mamanë e Gigi-t apo mikeshën e saj më të ngushtë, Taylor Swift, megjithatë kjo ditë mund të vijë shumë shpejtë./revistawho.com
