Dyshja Mimoza Shkodra dhe Seldi Qalliu që prej tetorit të vitit të kaluar kanë zyrtarizuar lidhjen e tyre me fejesë. Shumë kohë para se çifti të pranonte lidhjen, në media flitej për marrëdhënie të mundshme midis të dyve. Megjithatë Mimoza dhe Seldi shumë më vonë e bën publike lidhjen e tyre dhe shumë pak kanë treguar për publikun se si shkoi puna deri tek fejesa. Në një intervistë për gazetën ‘Blic’ Mimoza ka treguar gjithçka për lidhjen e saj me Seldin. “Lidhja jonë ka filluar gjatë verës, njihemi prej kohësh që nga bashkëpunimi ‘Pare Pare’, kemi qenë miq të mirë dhe ka qenë e shkruar që të përfundojmë si çift këtë vit. Seldi nuk është xheloz, më mbështet në maksimum në muzikë, deri më tani nuk e pengon asgjë tek unë, ndjehemi të lumtur të dy.” ka thënë këngëtarja Mimoza Shkodra. /revistawho.com
