Limoni përpos vetive ushqyese në organizëm luan një rol të rëndësishëm edhe në fytyrë. Nëse bëni një përzierje të tij me produktet e duhura ju do të gjeni zgjidhjen e shumë problemeve. Më poshtë po ju tregojmë disa mënyra si të bëni që një kokërr limoni t’ju shpëtojë nga aknet apo lëkurat e vdekura.
Lufton aknet
Efektet antibakteriale e bëjnë lëngun e limonit një ilaç të shkëlqyer kundër puçrrave të fytyrës. E gjitha që ju duhet të bëni është që të fërkoni zonën e prekur me lëng limoni, ta lini atë gjatë natës dhe ta shpëlani me ujë të ngrohtë në mëngjes.
Ky trajtim do të parandalojë puçrrat e fytyrës dhe do t’ju japë ngjyrën e përkryer.
Largon lëkurën e vdekur
Lëngu i limonit mund të jetë një larës fytyre mjaft i mirë dhe bio. Përzieni lëngun e një limoni me 1 lugë gjelle vaj ulliri. Shtoni pesë lugë gjelle sheqer e një lugë gjelle mjaltë. Përzieni mirë çdo gjë dhe vendoseni këtë në fytyrën tuaj, duke bërë masazh butësisht në lëvizje rrethore. Shpëlajeni më pas fytyrën me ujë të ngrohtë.
Parandalon krijimin e yndyrës në lëkurë
Për shkak të vetive acide që ka, limoni mund t’ju ndihmojë të mbyllni poret e zgjeruara dhe të parandaloni që lëkura juaj të bëhet e yndyrshme.
Largon shenjat e errëta
Limonët kanë veti natyrale zbardhuese dhe gradualisht do të zhduken pikat e errëta. Vetëm aplikoni disa limonë në zonat e prekura para se të shkoni në shtrat dhe pastrojeni mëngjesin e ardhshëm.
Ushqen lëkurë
Bashkoni 1 lugë gjelle vaj kokosi dhe mjaltë me lëngun e një limoni për të ushqyer lëkurën. Aplikoni përzierjen në fytyrë dhe lëreni atë për 15 minuta. Shpëlajeni më pas me ujë të vakët./revistawho.com
