Deputetja Monika Kryemadhi herë pas here ka kritikuar ashpër Reformat në Arsimin e Lartë në vend dhe i ka quajtur si të dështuara. Sot nga rubrika “Këndi i Ekselencës”, në News 24, ministrja Nikolla ka deklaruar se ka për detyrë t’i kthejë një përgjigje deputetes Kryemadhi. Sipas Nikollës edhe Kryemadhi pasi të shikojë rezultatet do të bindet që këto reforma kanë qenë të nevojshme, shkruan “gsh.al”.
“Unë Monikën e kam pasur nxënëse dhe e njoh mirë gjithë natyrën e saj pozitive për të arritur gjërat. Ka qenë shumë e mirë si nxënëse dhe ka qenë luftëtare për atë që ajo mendon që është e drejtë. Zonja Nora Malaj është zëvendëseMinistre e Arsimit dhe kam raporte shumë të mira me të. Në punën time ajo nuk asnjë pikëçuditje, nuk më thërret as ministre as Lindita, po më thotë motra. Ka qenë një pikë patjetër bashkëpunimi dhe ka treguar maturi të plotë me maturën shtetërore. Nuk jam ministre për t’u krekosur, por jam ministre për të ulur kokën dhe për të punuar. Ministrja ka shënjuar një standard të ri komunikimi me aktorët. Monikës i kam detyrimin që t’i kthej një përgjigje me rezultatin. Dhe do të bindet që edhe asnjë tarifë nuk është rritur dhe me radhë pas radhe do të dalin edhe rezultatet e ekspertëve në lidhje për reformat në arsimin e lartë”, u shpreh Nikolla.
