Zendaya është një nga aktoret më të pëlqyera, jo vetëm për shkak të talentit të saj, por edhe për personalitetin që ka. Pyetur nga “BAZAAR”, ajo ka treguar një listë të shkurtër të gjërave dhe personave që ka më shumë në zemër.
- Varësja e mbretëreshës Nefertiti që ka babai i saj
“Është bërë në vitet ’70. Nuk është e imja personalisht, por ndoshta një ditë do bëhet e imja.”
- Bashkëpunimi me “Tommy Hilfiger”
“Kur fillimisht më thanë për këtë mundësi, gjithashtu më shpjeguan që vetë Tommy kërkonte të bisedonte me mua. Kërkonin që unë t’i krijoja vetë veshjet dhe isha shumë e emocionuar kur tregova përpara të gjithëve 1 milion idetë e mia. Të gjithë ishin shumë suportues”.
- Stilisti im, Law Roach
“Mund të mbështetem vërtetë tek ai. Jemi njohur që kur isha 14 vjeç dhe ai me të vërtetë i kupton gustot e mia. Kam mësuar shumë nga industria e modës vetëm falë tij dhe për shkak të lidhjes të ngushtë që kemi, e di që ai gjithmonë do jetë ai që është edhe kur kohët të jenë të vështira”.
- Bluzet e vjetra të gjyshit tim
“Janë veshjet më të bukura që kam pasur ndonjëherë. Madje i ri-krijova për ‘Tommy Hilfiger Collection”.
- Bluzja që kam kujtim nga seti “A Different World”
“Kadeem Hardison i cili është si një vëlla për mua, gjithashtu ka luajtur rolin e babait tim në një film. Ai ma bëri bluzën dhuratë për ditëlindje dhe është kaq e bukur.”
- Gjyshet e mia
“Unë i quaj mbretëreshat e botës time”.
- Leximi i skripteve
“Nëse skriptet mund të quhen libra, atëherë ato janë librat që kanë influencuar më shumë në jetën time, pasi çdo skript që kam lexuar ka qenë ndryshe dhe vërtetë më kanë ndihmuar të rritem”.
- Dhuratat nga familja
“Kam nje faqe nga një libër ngjyrosjeje që e ka bërë mbesa ime dhe ma dhuroi mua”.
- Albumet e Michael Jackson
“Janë një vepër arti dhe janë të preferuarat e mia”./revistawho.com
