E mbani mend vajzën e ëmbël kaçurrelse që vite më parë pushtoi televizionin? Po, edhe ne, është Artenisa Ozaj, sot një grua e plotësuar si nga ana personale, ashtu edhe nga ajo profesionale. Një biznesmene, nënë e një vajze, Abigail, një krijim i një kornize të plotë të figurës së saj. Natyrisht na kujtohet edhe sezoni i parë i programit “E diela shqiptare”, kur krah Ardit Gjebreas ishte pikërisht Artenisa. E gjeni dot? Ajo do të rikthehet pikërisht në “E diela Shqiptare” me një format të ri.
“Music and Beauty”, do të jetë gara më e re televizive. Të gjithë ata që duan të pasqyrojnë talentin në fushën e parukerisë dhe Make Up Artist do të mund ta bëjnë në një skenë të madhe, në mundësinë që mund të jetë “mundësia e jetës”. Në datën 13 shkurt, në orën 9.00 do të jenë audicionet e hapura për të gjithë ju.
Për të rezervuar pjesëmarrjen, shkruaj një mesazh në “WhatsApp” në numrin 0686065655, me emrin, mbiemrin dhe fushën specifike në të cilën dëshironi të konkuroni. Rezervimet përfundojnë ditën e diel, më 12 shkurt. Mos harroni, pa rezervim, nuk mund të bëheni pjesë e audicioneve, si edhe duhet të keni mjetet e punës me vete. Eja dhe ti, pasioni dhe profesioni po të thërret. Dhe po, rikthimi i Artenisës, nuk mund të ishte më i bukur se kaq.
