Në episodin e fundit të “UëTëFë Show” në Andale Media, Zhaklin Lekatari foli pa dorashka për banorët më të njohur të “Big Brother VIP Albania”, duke dhënë opinionin e saj mbi performancën e tyre nga të gjitha edicionet.
Surpriza e madhe erdhi kur moderatorët e pyetën se cili ishte banori më i dobët në historinë e BBVA. Pa hezitim, Zhaklina përmendi Romeo Veshajn! Për habinë e të gjithëve, Romeo kishte dalë finalist i tretë në edicionin e tretë, ndaj kjo vlerësim e Zhaklinës si “lojtari më i dobët” u prit me kureshtje.
“Qau shumë. Mendoj që Romeo mund të kishte dhënë edhe më shumë, nuk i shkoi mirë Romeos,” shpjegoi ajo.
Sipas Zhaklinës, marrëdhënia e Romeo-s me Heidin ndikoi negativisht në lojë:
“Mendoi që ndikoi marrëdhënia me Heidin, mendoj që Romeos mund t’i kishte shkuar… mund të ketë edhe banorë të tjerë që tani nuk më vijnë në mendje të them të drejtën, por më ka ardhur keq për Romeon.”
Duke qenë edhe opinioniste e “Big Brother VIP Albania 2”, Zhaklina tregoi se i kishte ardhur keq që publiku nuk pa një tjetër anë të Romeo-s:
“Më ka ardhur keq për Romeon sepse doli si një djalë që vetëm ka qarë dhe ndërkohë Romeo që njoh unë, nuk është ai, nuk përkon. Mendoj që Big-i i bëri keq, ose autori që e kishte nuk bëri punë të mirë.”
