Ajo është larguar nga Tirana, dhe ka vazhduar të njëjtën karrierë me akoma më shumë sukses, në Londrën e largët. Flasim për psikologen Mirela Sula e cila ka lënë në mes një karrierë të nisur herët ne Tiranë, ku drejtonte një revistë, për ta rinisur jetën dhe karrierën në një “botë” krej tjetër. Dhe po njësoj, ajo drejton atje revistën e saj “Global Woman”. Kjo është një histori frymëzuese, historia e një gruajë që merr guximin të nisë gjithçka nga e para dhe ia del me sukses. Për historinë e saj, punën dhe përkushtimin, psikologia shqiptare është vlerësuar në Londër. Një konkurs i zhvilluar së fundmi në Britaninë e Madhe e ka shpalluar atë si gruaja më frymëzueses e vitit 2015. Për vetë psikologen, ky kandidim ishte një frymëzim, reflektim për tri vitet e investimit në Angli. Fillesat si emigrante në vendin e largët nuk kanë qenë të thjeshta. “Ishte një nevojë për të dalë dhe eksploruar mundësi të reja përtej territoreve të tua, pas zhgënjimeve që ke përjetuar brenda gardhit të shtëpisë tënde”, ka thënë ajo për “GSH”.
Dev by Techzero1.com