Ndarja e Loredanës dhe Mozzik vazhdon të jetë ndër më të përfolurat në showbiz. Në momentin që më pak pritej, çifti deklaroi ndarjen por treguan se bashkë ruajnë marrëdhënie mjaft të mira. Megjithatë së fundmi janë zbuluar detaje të reja që mund të hedhin poshtë gjithçka është thënë deri tani. Burime për “Thumb On” janë shprehur se artistët nuk janë ndarë kurrë por e sajuan këtë histori për vëmendje. “Loredana dhe Mozzik nuk janë ndarë kurrë. Ka qenë një marketing i sajuar nga dyshja sepse e kanë të vetme mënyrë mbijetese për të qëndruar në treg. Burime të sigurta pranë çiftit thonë se janë bashkë, jetojnë bashkë dhe nuk janë ndarë kurrë. E gjitha ka qenë e sajuar për të qëndruar në vëmendjen e publikut shqiptar. Po ta vini re, kur doli sulmi për Loredanën, ishte gazeta zvicerane “20 minuten” që sulmonte çiftin. Tani para disa ditësh, po e njëjta gazetë ka marrë një intervistë ekskluzive nga Mozzik. Kjo ka qenë e gjitha e sajuar për marketing. Kështu që, të qetësojmë njerëzit se nuk janë ndarë”, tregon ky burim. Kujtojmë se dyshja janë prindër të një vajze të quajtur Hana.
Loredana dhe Mozzik nuk janë ndarë: Gjithçka ishte për marketing
