Prej disa muajsh çifti i njohur, Mozzik dhe Loredana përfliten se do të bëhen prindër për herë të parë. Dyshja nuk e ka pranuar ende, por postimet e tyre dhe disa fotografi paparaci që kanë qarkulluar në rrjete sociale e konfirmojnë këtë. Pak kohë më parë Loredana publikoi një fotografi të sajën në të cilën shkruante: “7 dhjetor 2018, është ende e fshehtë” dhe e shoqëronte me një simbol të gjinisë femërore. Menjëherë fansat e saj filluan të dyshonin se Loredana në këtë mënyrë zbuloi gjininë e fëmijës. Me një postim që ka bërë së fundmi ajo ka përforcuar edhe më shumë dyshimet se do të bëhet nëna e një vajze. Loredana ka publikuar një foto dhe e ka shoqëruar me mbishkrimin: “Vajza e një nëne të mirë bëhet nëna e një vajze të mirë”.
Siç duket tani që dhe koha për të lindur po afron, Loredana ka filluar ta ndjejë akoma më shumë përgjegjësinë si nënë. /revistawho.com
