Në një nga paraqitjet e saj më të komentuara televizive, Loredana Brati u shfaq si e ftuar speciale në “She’s On Top”, ku nuk munguan as momentet thumbuese, as ato përplot humor.
Teksa biseda zhvillohej mes kujtimeve dhe sfidave të saj pas Big Brother VIP Albania, një koment nga moderatori Visjan Ukcenaj solli një kthesë interesante. Ai përmendi se një nga vajzat në emision kishte shkruar një poezi për Joz Markun, ish-partnerin e Loredanës.
Modelja në fjalë u ndje e detyruar të reagojë menjëherë, duke u distancuar nga çdo keqkuptim: “Nuk ndiqemi në Instagram dhe ishte thjesht në mënyrë miqësore.”
Por ishte përgjigjja e Loredanës ajo që ra më shumë në sy. Pa dramë, pa nxitim, ajo zgjodhi të përgjigjej me stil dhe qetësi, duke dhënë një mesazh që rezonon me shumë vajza:
“Shpirt mua ai ma shkruajti, kaq ka rëndësi. Mos bëj për një mashkull, por më mirë të jetë mashkulli ai që bën për ty.”
Dhe sikur të mos mjaftonte kjo, Loredana nuk la pa i shtuar edhe një dozë të shëndetshme humori situatës, duke thënë:
“Ja për shembull, mua Jozi ma ka shkruar poezinë.”
