Prej disa kohësh janë ngritur dyshimet për një ndarje të mundshme midis dy këngëtarëve të njohur, Loredana dhe Mozzik. Asnjëri prej tyre nuk e konfirmoi këtë fakt edhe pse nuk janë parë më bashkë në publik dhe në rrjete sociale. Mesa duket ka qenë Loredana ajo që ka vendosur të thyejë heshtjen. Ajo ka folur për lidhjen e saj me Mozzik me anë të një publikimi në ‘Instagram’. “Për të gjithë fansat e mi. Si edhe mund ta keni dëgjuar, unë dhe Mozzik nuk jemi parë më bashkë. Arsyeja është ajo që të gjithë ju keni menduar. Kemi vendosur të marrim pak pushim si në çështjet profesionale ashtu dhe në ato private… Midis të dyve vendosëm që turin Bonnie & Clyde ta realizoj vetëm. Na duhet kjo distancë që të gjejmë veten e ndoshta në një të ardhme të gjejmë njëri-tjetrin sërish. Këtej e tutje do të jem një nënë beqare dhe do të punoj akoma edhe më shumë. Të gjithë artistët që thonë se ‘live është tepër e lodhshme’, jam e sigurt që nuk ju duhet të ndrroni pelena para performancës. Ju premtoj se do të bëj më të mirën time. Gjithçka që më duhet është Hana dhe ju! Ju falenderoj për mbështetjen”, shkruan Loredana në postimin e saj. Ende nuk ka një reagim të Mozzik në lidhje me këtë lajm, por mjafton deklarata e Loredanës për të kuptuar se lidhja e tyre disavjeçare ka përfunduar. Loredana ka bërë gjithashtu të ditur se në turin e saj në 2020, e ‘ftuara’ speciale do të jetë vogëlushja e saj, Hana.
