Ditën e sotme Loredana udhëtoi drejt Spanjës së bashku me vajzën e saj Hana për një arsye mjaft të rëndësishme. Si fillim u dyshua se reperja do të xhironte një videoklip në Spanjë, por ‘Lajmi.net’ ka mësuar se bëhet fjalë për diçka tjetër. Nesër pritet të mbahet ceremonia e madhe e ndarje së çmimeve “MTV Europe Music Awards”, në të cilën Loredana është e nominuar në një kategori. Reperja është e nominuar për “Best Swiss Act” dhe së bashku me të konkuron edhe këngëtarja tjetër me origjinë shqiptare Ilira.
Në këtë event të rëndësishëm muzikor do të bëhen pjesë edhe emrat me famë botërore që janë të nominuar në disa kategori të ndryshme. Nuk dihet nëse Loredana do arrijë të fitojë çmimin, por është e sigurt se kjo duhet të jetë një nga eksperiencat më të veçanta për të. Tashmë reperja shfaqet në çdo vend me vajzën e saj, Hana, pasi ajo deklaroi se pas ndarjes nga Mozzik duhet të punojë vetë shumë fort për t’i siguruar jetesën vogëlushes. /revistawho.com
