Lorenc Hasrama është një ndër artistët më të talentuar të tregut muzikor shqiptar. Mbrëmjen e sotme, ai ka qenë i ftuar në emisionin ‘Soiree’ me Jonida Shehun në ekranin e ‘Top Channel’, për të folur rreth temës se në ditët e sotme është më mirë të jesh ‘single’ apo i martuar.
Gjatë emisionit, Hasrama ka performuar gjithashtu ‘live’ këngën ‘Si të flas’, e cila ka dhuruar mjaft emocione tek teleshikuesit, por dhe të ftuarit në studio. Balerina e njohur, Isida Mollaymeri e ka shoqëruar performancën e Lorencit, duke kërcyer krah tij plot klas dhe sensualitet. Menjëherë pas këtij momenti, këngëtari ka treguar se ka qarë shumë kur e ka shkruar këtë këngë, e cila u kthye në hit. Megjthatë ky moment ka shërbyer edhe për t’i dedikuar disa fjalë Isida Mollaymerit.
“Kur e kam shkruar këtë këngë kam qarë çdo fjalë që kemi shkruar dhe po ta dija që ti ekzistoje, më fal por unë nuk jam aq i përhapur nëpër botën e ‘showbiz-it’, ti do ishe më kryesore se ne aty në skenë kur e kemi kënduar”, është shprehur Lorenci.
“Ta kesh parasysh për projektet e radhës”, shtoi Roza Lati, ndërkohë që Flavio Qarri theksoi “ose për projektin e jetës”. Ky moment nuk ka kaluar pa duartrokitjet dhe të qeshurat e të gjithë të pranishmëve në studion e ‘Soiree’./revistawho.com
https://www.instagram.com/tv/B9C4Dp0naJx/?igshid=8rvrmwi3vvq5&fbclid=IwAR0BacGienmtE5SSyKYHzjD0KpUL794zbKg-kX6vQrNP5ZOk1AGKXux-NT0
