Lori Hoxha ka zbuluar në intervistën e fundit krah Sarës për Top Albania Radion të pathënat e Big Brother VIP, produksion i motrave Hoxha, por edhe detajeve të tjera personale dhe profesionale, përballë Elona Duros dhe Jonida Aliçkollit në “Pardon my french”.
Kur Lori u pyet për programin e saj të preferuar, pa nguruar pranoi se Top Show ka qenë një ndër ata që donte më shumë.
“Po flisja gjatë publicitetit me Elonën, më ka marrë malli për Top Show Magazine. Ka qenë një nga programet që me ka pas pëlqyer shumë”, ka treguar Lori në intervistë.
Më pas renditi dhe programe si ‘Shtojzovallet’, prodhime goxha të hershme të Top-it.
Lori u shpreh se i mungojnë emisione që më parë kanë qenë dhe se së bashku me Sarën po punojnë për t’i rikthyer.
“Top Show Magazine”, i përmendur nga Lori numëron 13 vite në ekran që prej muajit shkurt të vitit 2007, kur nisi transmetimin. “Magazine” ka qenë finalizimi i javës së “Top Show”, spektakli që mbahej për 3 orë live së bashku me orkestër duke sjellë ngjarjet më të rëndësishme të ‘showbiz-it’ dhe kulturës në të gjithë trevat shqipfolëse.
Hoxha shtoi gjithashtu se shumë shpejt në “Top Channel” do të vijë një patentë e re, por duke qenë se është shumë supersticioze dhe kontrata nuk është firmosur ende nuk e ka ndarë./revistawho.com
