Lori Hoxha rrëfen emocionet e të qenit teze: Kam qarë kur pashë London Noor

Në një intervistë për “In Tv” Lori Hoxha ka rrëfyer emocionet e të qenit teze dhe si u ndje kur pa për herë të parë London Noor. “Është ndjesi shumë e mirë. Si person nuk i kam shumë qejf fëmijët, domethënë nuk e ndjej akoma atë afrimitetin me ta. Por kur ka lindur London Noor unë jam bërë njeri tjetër. E adhuroj, e kam si gjënë më të shtrenjtë. E kam foto celulari. Nuk e mendoja ndonjëherë që do kisha foton e një bebi në celular. Nuk e dija kurrë që do ishte ndjesi kaq e mirë”, -tha Lori. E pyetur nga gazetari nëse ka qarë kur e pa bebin për herë të parë Lori u përgjigj se ka qarë fshehtas. “Nuk e jap shumë veten, por qava fshehtas”, -tha ajo. Në lidhje me Sarën dhe Ledionin Lori u shpreh se është gjë shumë e mirë që e ka Ledionin kunat pasi janë rritur në të njëjtën botë dhe kjo i lidh shumë. Ndërsa për Sarën tha se nuk e kishte menduar që do bëhej mami kaq e vogël, por shtoi se e dinte që Sara do bëhej mami para saj./revistawho.com