Lori Hoxha, vajza e themeluesit të “Top Media”-s, të ndjerit Dritan Hoxha, së bashku me motrën e saj Sara Hoxha, kanë qenë të ftuara në emisionin “Shiko kush Luan”, të transmetuar ne “Top Channel”.
E pyetur nga Luana Vjollca, moderatorja e këtij emisioni, se cili nga personazhet e larguar nga “Top”-i do donte shumë të rikthehej sërish Lori tha: “Çdo njeri që është larguar nga ‘Top’-i, ka atë që meriton të ketë, nuk ka ndonjë që do doja të rikthehej nga ata që janë larguar. ‘Top Channel’ vazhdon të bëhet nga ata që janë e jo nga ata që kanë ikur. I vetmi person që i mungon ‘Top’-it është Dritan Hoxha”.
Kjo deklaratë e trashëgimtares së “Top Media”-s, vjen mbas komentit të kunatit të saj Ledion Liço, muaj më parë, lidhur me personazhet që u larguan këtë sezon nga “Top Channel”.
“’Top’-i është si Shqipëria, njerëzit shkojnë nga shkojnë, prapë këtu kthehen”, – ka shkruar Liço në një diskutim me fansat në “Instagram”. / revistawho.com
Lori Hoxha: “Top”-it i mungon vetëm Dritan Hoxha, të larguarit kanë atë që meritojnë
