E ftuara e radhës në ‘Xing me Ermalin’ është moderatorja shumë e pëlqyer, Luana Vjollca. Me sinqeritetin dhe thjeshtësinë e saj, Luana i është përgjigjur shumë hapur çdo pyetje. Ndër të tjera ajo ka folur edhe për babain e saj, të cilin nuk e ka njohur sepse është ndarë herët nga jeta. Ajo tregon mirënjohjen e thellë për nënën e saj, të cilën e ka konsideruar si heroinë. “Gjithmonë kam dashur mos ta prek si temë pasi jam fanatike tek jeta private, familja edhe pse mund të jetë gabim, pasi njerëzit duan të dinë më shumë çfarë njeriu je, si je rritur se me fotot dhe energjine ne ekran nuk përcjellim çdo gjë. E vështirë ka qenë, nuk do mend, por më e vështirë ka qenë për mamin. Një femër e vetme që rriti 4 vajza, nuk kishte të paktën njē djalë. Kam qenë 12-muajshe, babin e kam njohur vetëm nga fotot. Mami ka ditur ta bëjë edhe burrin, edhe gruan. Njerëzit që e njohin thonë me plot gojën që është heroinë. Më ka mësuar tja dal mbanë vetë se më thotë kur ja dola unë, ti ja del e ja del”-u shpreh Luana tepër e emocionuar.
