Moderatorja e suksesshme dhe një nga vajzat më simpatike të ekranit, Luana Vjollca ka eksperimentuar prej kohësh me muzikën. Mesa duket e ka gjetur veten mirë në atë fushë, pasi ka filluar të përgatitet për këngët e radhës. Pritet që të jenë sukses dhe këtë e bën të ditur bashkëpunëtori më i ri i saj. Bujar Qamili ka treguar, në një intervistë për ‘Radion Shkodra’ se do të këndojë krah Luanës dhe premton që do jetë një sukses.
“Luana më ka thirrur në një drekë dhe aty më ka bërë propozimin e saj për bashkëpunimin muzikor. Do të jenë 3 këngë remix të Luanës që do ti këndojmë së bashku dhe besoj se do të kemi një sukses. Luana më ka premtuar se me këtë bashkëpunim do t’ia kalojmë suksesit që pata me Mateusin. Luana ka marrë përsipër gjithçka dhe besoj se do të jetë një prej bashkëpunimeve më të suksesshme gjatë kësaj vere. Unë jam i hapur për bashkëpunime dhe aq më tepër me Luanën besoj se jemi të gjithë dakord se ia vlen”, -ka zbuluar ai./revistawho.com
