Moderatorja e njohur, Luana Vjollca ka lajmëruar se ka anulluar çdo angazhim të sajin këto ditë, por do të jetë pjesë e koncertit që do të mbahet mbrëmjen e sotme në Gjermani për të prekurit e tërmetit.
“Kam anulluar gjithçka këto ditë, por e pashë të udhës të isha prezente sonte në koncertin që do të mbahet në Gjermani ku të ardhurat e tij dhe padiskutim të ardhurat e mia personale do shkojnë në ndihmë të të prekurve nga fatkeqsia e ndodhur në Shqipëri”, ka shkruar Vjollca në foton e publikuar në ‘Instastory’.
Krah Luanës mbrëmjen e sotme do të performojnë edhe artistë të tjerë si Robert Berisha, Genta Ismajli, Aida Doci etj.
