Mbrëmjen e djeshme, në puntatën e 5-të të “Shiko kush luan”, është festuar ‘Halloween-i’ në mënyrën më të veçantë. Me pjesëmarrjen e personazheve të njohur, nën moderimin e Luana Vjollcës, dhe dy kapitenëve të skuadrave është dhuruar një shfaqje argëtuese me të qeshura dhe surpriza të shumta. Jemi mësuar që spektakli të krijohet më së shumti nga të ftuarit, por Luana preferon që shpeshherë të jetë edhe ajo aktive duke u përfshirë në përgjigje dhe lojëra interesante. Këtë herë, në lojën “Karamele dhe Dënime” Luana u detyrua t’i përgjigjej pyetjes: “Nëse Kryeministri Edi Rama po ju sheh tani, çfarë do t’i kërkonit?. “Kryeministri të vijë këtu në ‘Shiko kush Luan’ dhe t’ja bëjmë pyetjet live”, është përgjigjur ajo. Duke njohur natyrën sportive të Edi Ramës, ndoshta do ketë një përgjigje pozitive kunddrejt kësaj ftese.
