Luar ‘konkuron’ Arilena Arën? Ja çfarë thotë këngëtarja

Me siguri të gjithë e mbajnë mend vajzën bukuroshe Luar që këndoi përpara 5 vitesh këngën “Gjithmonë” me Flori Mumajesin. Ajo vendosi të rikthehet përsëri në tregun muzikor me këngën “Dy”, e cila ka arritur edhe vendin e parë në ‘iTunes’ në Rusi. Gjithashtu Luar ka nënshkruar një kontratë me kompaninë  “Effective Records”, pjesë e të cilës është edhe Arilena Ara. Në një intervistë për gazetën “Panorama Plus” Luar ka thënë se nuk ndien se është në garë me Arilena Arën, por ndihet shumë e lumtur për arritjen e të dyjave, duke qenë se kanë bërë që një këngë shqiptare të dëgjohet në një vend të huaj. E pyetur nëse ajo do të bënte përsëri një bashkëpunim me Florin, Luar është shprehur: “Nëse do të bëja një tjetër bashkëpunim me Florin, do të ishte e pamundur ta shpjegoja me fjalë se si do të ishte, pasi sa më shumë kohë kalon, aq më shumë preferencat muzikore ndryshojnë. Kështu që, do të varej nga periudha në të cilën kënga do të bëhej.”