Tensioni mes personazheve të njohur të skenës shqiptare po shtohet – dhe kjo herë, një postim në Instastory nga Don Xhoni ka ngritur shumë pikëpyetje.
Reperi publikoi një foto në pasqyrën e një ashensori, e shoqëruar me tekstin: “Na ishte se ç’na ishte…” si dhe një emoji me kapele kaubojsi. Në dukje i pafajshëm, por në kontekstin e zhvillimeve të fundit, shumë po e lexojnë si një përgjigje të koduar për Jozi-n.
Pse mendohet kështu? Kohët e fundit, Jozi u shpreh publikisht në emisionin “TAR”, ku komentoi shoqërinë e Loredanës, duke thënë:
“Ka marrë një rrugë jo të mirë mendoj unë. Po shoqërohet me njerëz të padëshirueshëm. Bën gjeste aspak të mira dhe të hijshme. Le të bëjnë çfarë të duan fundja. Secili ka jetën e vet, thjesht janë disa gjëra që më duken shumë të vogla. Ata mendojnë sikur çfarë po bëjnë, por ne i lëmë të bëjnë çfarë të duan.”
Një deklaratë që nuk ka kaluar pa reagim – të paktën jo nga Loredana. Ajo publikoi një tjetër thumb në Instagram, ku u shfaq me miqtë e saj, të cilët i prezantoi si “shoqëria e keqe”.
Krahas kësaj, ndjekësit kanë vënë re disa komente me zemra të Don Xhonit në postimet e Loredanës, çka ushqen më tej aludimet se mes tyre ka një solidarizim… apo ndoshta më shumë
Edhe pse nuk ka një konfirmim të drejtpërdrejtë nga Don Xhoni, fraza e tij “Na ishte se ç’na ishte…” mund të jetë një mënyrë për të nënkuptuar se ai e ka ndjekur nga afër deklaratën e fundit të Jozit – dhe nuk e ka lënë pa një përgjigje të heshtur.
A është kjo vetëm një rastësi apo një tjetër “thumb” në dramën që po merr përmasa të reja? Koha do ta tregojë.
