Kur fansat prisnin një bashkëpunim mes tyre, ajo që ndodhi ishte krejt e kundërta. Nicki Minaj dhe SZA janë bërë protagonistet e një përplasjeje të fortë publike që ka ndezur rrjetet sociale dhe ka befasuar industrinë e muzikës.
Çdo gjë nisi me një postim të gjatë nga Nicki në platformën X (ish-Twitter), ku artistja shpërtheu në akuza dhe fyerje ndaj SZA-s, duke e përshkruar me termat më të ashpër.
Nicki e etiketoi SZA-n si:
“të pasuksesshme”, “të pavlerë” dhe “budallaqe”, duke shtuar se “nëse këngët e SZA-s do të zhdukeshin, askush nuk do ta vinte re.” Ajo e përmbylli me një deklaratë të fortë që ndezi rrjetin: “Unë jam ikonë, jo ti.”
Por nuk u ndal me kaq. Minaj vijoi me kritika për vokalin dhe stilin e këngëtares tjetër, duke theksuar: “përdorim të tepruar të auto-tune”, dhe u tall publikisht me performancat e saj.
Dhe më pas, goditja më e rëndë:
“e ndyrë” dhe “e zgjebosur” — fjalë që tronditën fansat dhe sollën reagime të shumta nga të dyja palët e publikut.
Për momentin, SZA nuk ka reaguar publikisht, ndërsa përplasja e tyre ka ngritur pikëpyetje nëse kjo është thjesht një zënkë personale apo një strategji e qëllimshme për vëmendje.
E vetmja gjë e sigurt është se kjo përplasje ka marrë dhenë dhe rrjeti nuk po pushon së foluri për të. Në një botë ku çdo fjalë bëhet titull, kjo “luftë” mes dy divave po ndiqet si një serial dramë me episode të reja çdo ditë.
