Dafina Zeqiri, këngëtarja e njohur dhe gjithmonë në hap me modën, ka treguar edhe një herë se klasi për të nuk ka kufij – madje as për vogëlushin që ende nuk ka ardhur në jetë.
Përmes Instagramit, Dafina zbuloi se ka blerë për të birin një karrocë tepër luksoze: një Lamborghini Revuelto Arancio, version i limituar në mbarë botën, me vetëm 500 ekzemplarë të prodhuar.
Surpriza nuk ndalet këtu. Së bashku me karrocën, artistja ka marrë edhe një letër të personalizuar nga vetë CEO i Lamborghinit, Nick Paxton, i cili i uron familjes shëndet dhe i përgëzon për zgjedhjen e kësaj krijese të veçantë dizajni.
Në të njëjtën javë, Dafina ka festuar edhe ditëlindjen e saj, duke shpërndarë me ndjekësit momente të ëmbla pranë bashkëshortit të saj, Kreshnik Gjergjaj.
Me sa duket, për Dafinën, luksin nuk e dikton momenti, por stili i jetës – një stil që tashmë po e trashëgon edhe djali i saj që pritet të vijë në jetë.
