Ajka Kallaku, vajza e Bes Kallakut dhe Xhensila Myrtezajt u bë sot 4 vjeçe. Babi Besi natyrisht u frymëzua nga krijesa e tij më unike dhe shkroi disa rreshta të ndjerë.
“Lulja ime e shpirtit, urime 4-vjetorin. Njeriu nuk e kupton kurrë që vitet fluturojnë, përveçse tek fëmija e tij. Janë pak 4 vite, por mbase edhe shumë. Fli sonte në paqe! E shenjta, e shtrenjta ime Ajka. Gjumi yt i bardhe si lulet e kumbullës! Frymëmarrja jote sikur fryma e Zotit në trupin e krijuar, jetë jetë jetë. Sjellja në jetë e një jete (fëmije) sillka me vete edhe jetë të tjera, për mua, për nënën tënde, për ata që dinë të duan dhe duan të të duan. Gjumi yt trëndafil lëshon aromën e frymëmarrjes tënde. Dhe s’di çtë bëj me gjumin tënd, përveç se jam ulur dhe të lutem si në një vend të shenjtë. U rritsh e lumtur, me Zotin bariun tënd, gjumin ta mbroj unë! Edhe 100 ëndrra me ëngjej pafsh! Te dua me fuqinë e 1000 diejve”, ka shkruar Besi në “Instagram” krahas fotos të së bijës.
Edhe mami Xhensila e ka bërë urimin e saj për bijën e saj, të shtrenjtën Ajkën.
“Momenti kur e ndjeva ekzistencën e zotit si kurrë më parë. E ndjej aromën e parajsës që solle tek unë, e ngrohtësinë te faqja që më ngrohu zemrën përjetësisht. Shtëpi e shpirtit tim, je ti. Tretem për ty. Sytë e mi, vena ime kryesore, ajri im. Gëzuar ditëlindjen dashuri hyjnore”, ka shkruar Xhensila në “Instagram”.
