Në një intervistë të hapur në “The Dalina Show”, Olsi Bylyku ndau mendimet e tij për situatën që u krijua pas hyrjes së ish-partneres së tij Egli Tako, në Big Brother VIP. I pyetur nga Dalina Buzi, ai u ndal te vëmendja e madhe që kjo temë mori në rrjetet sociale.
“Ti je zgjuar një ditë me komente ‘i mallkuar qofsh’ dhe të nesërmen me ‘lum si ti’,” – tha Dalina, duke vënë në dukje ndryshimin drastik të opinionit publik. A e kishte menduar Olsi ndikimin e kësaj situate?
Aktori dhe moderatori e pranoi se ajo që e befasoi nuk ishte thjesht reagimi për Eglin, por një detaj tjetër që e shqetësoi më shumë.
“Ajo që më shqetësoi më shumë ishte fakti që nuk kishte asnjë koment për partneren time aktuale,” – tha ai, duke e vënë theksin te fakti që diskutimi u përqendrua te e kaluara e tij, duke lënë në hije të tashmen.
Pavarësisht gjithçkaje, Olsi tregoi mirënjohje dhe respekt për Eglin. “Kam shumë respekt dhe mirënjohje për atë gocën dhe i uroj fitoren,” – shtoi ai, duke treguar se nuk ka asnjë ndjenjë negative ndaj saj.
Ndërkohë, ai u ndal edhe te partnerja e tij e tanishme, duke shtuar: “Me veten time kam thënë: Si nuk shkroi njeri për partneren time aktuale? Pastaj mendova që nuk ka problem, se mirënjohjen ia shpreh vetë.”
