‘Lunch’, jo më ‘Wake Up’ me Mirën

Jo të pakta kanë qenë thashethemet për fillimin e sezoni të ri televiz. Si çdo vit fundja… Është diskutuar në mediat online, shtypin e shkruar por edhe programet e showbiz-it lidhur me lëvizjet që janë bërë e po bëhen në televizone, e me risitë që pritet të shohim në ekranet shqiptare prej shtatorit. Këto “zëra” përfshinë edhe emisionin e mëngjësit të herët në Top Channel, “Wake-up” me prezantues Eno Popi dhe Mira Kazhani. Pikërisht për këtë të fundit u tha se është larguar. Por konfirmimi vjen vetëm sot. Gazetarja, moderatorja e opinionistja Mira Kazhani ka konfirmuar për “WHO” se nuk do të jetë më në “Wake up”: “Le të themi që nuk do zgjohem më në 5 të mëngjesit. Ja kam lënë këtë barrë Enos të cilit i uroj një sezon të mbarë. -Thuhet që keni plane të tjera në “Top Channel”, është e vërtetë? Ah për planet jam supersticioze. Nuk flas. Kur të realizohen…”, ka thënë Kazhani.