Presidenti francez Emmanuel Macron mbërriti në Mbretërinë e Bashkuar të martën, më 8 korrik, së bashku me bashkëshorten e tij, Brigitte Macron, për një vizitë shtetërore tre-ditore.
Por, që në momentin e zbritjes nga avioni, sytë e publikut u përqendruan tek një gjest i vogël, por me shumë kuptim. Teksa Macron zgjati dorën për të ndihmuar Brigitte-n të zbriste shkallët, ajo zgjodhi të mbështetej në parmak dhe e injoroi dorën e tij. Presidenti francez, dukshëm i zënë ngushtë, uli dorën në mënyrë të sikletshme.
Më pas, çifti u prit nga Princi William dhe Princesha Kate, në emër të Mbretit Charles III.
Disa minuta më vonë, ata u panë të ulur në një makinë, ku atmosfera dukej e tensionuar: Brigitte qëndronte me sytë në telefon, ndërsa Macron mbante një pamje të ngrirë.
Ky nuk është rasti i parë që bashkëshortja e Presidentit francez i kthen krahët në publik. Në maj të këtij viti, gjatë mbërritjes në Hanoi të Vietnamit, Brigitte u filmua teksa e shtynte lehtë në fytyrë Macron-in përpara kamerave. Videoja u bë virale dhe ndezi diskutime për gjendjen e marrëdhënies së tyre.
Në atë kohë, Macron u shpreh për mediat franceze se “po bënin shaka mes tyre” dhe akuzoi rrjetet sociale se po nxirrnin “budallallëqe” nga një moment i padëmshëm.
Çifti është i martuar që prej vitit 2007, por sjelljet e fundit të Brigitte-s në publik po nxisin gjithnjë e më shumë thashetheme në rrjet.
