Ndërkohë që të gjithë presin, Zelanda e Re e ka pritur tashmë Vitin e Ri. Në Auckland, spektakli i fishekzjarrëve ka nisur, ndërsa mijëra vetë festojnë ndërrimin e viteve. Ndër vendet e para në botë që kanë hyrë tashmë në vitin 2017, janë ishujt e Kiribatit dhe Samoas dhe pas tyre po bëhen gati të festojë dhe Australia, e më pas Japonia. Në Australi ku festohet pas gati dy orësh, autoritetet po bëhen gati ta presin natën e ndërrimit të viteve nën masa tepër të larta sigurie, raporton TCH. Në Sidnej, mëse 2 mijë policë po patrullojnë zonën bregdetare pas një serie kontrollesh antiterror.
