Këngëtarja e njohur Maja ka qenë e ftuara e radhës në programin e pasdites ‘Rudina’. Me shumë emocion ajo rrëfeu disa nga detajet e jetesës me të birin, Jonas që ka ardhur në jetë pothuajse 4 muaj më parë. Shumë e lumtur për gjithçka po përjeton Maja tregoi se i ka ruajtur kërthizën dhe rrobat që i ka veshur për herë të parë.
Më tej, kur u pyet për kujdesin ndaj tij dhe nevojën për të pasur një dado në të ardhmen, ajo u shpreh: “Jam shumë meraklie, e kam mbajtur vetë që ditën e parë. Në një të ardhme ndoshta mund të marr dado po tani që është i vogël do e mbaj vetë të paktën deri sa të bëhet 1 vjeç”.
Më tej këngëtarja ka treguar edhe për udhëtimin e parë që ka pasur me Jonas, i cili megjithëse i vogël në moshë e ka shoqëruar të ëmën jashtë Shqipërisë. “E mora me vete në një koncert në Greqi. Ishte koncerti i parë bashkë, edhe udhëtimi i parë”,-shprehet ajo.
https://www.instagram.com/p/BvRuyV3BR8H/
Në fund të programit Maja mori edhe një surprizë nga motrat e saj, të cilat i shprehën me pak fjalë dashurinë dhe kënaqësinë që kanë pasur shansin të provojnë tani që janë bërë me një tjetër nip. Gjatë programit, u transmetua edhe një xhirim ku këngëtarja shfaqej duke shëtitur djalin, por imazhi i tij vazhdon të mbetet i fshehur për publikun kurioz. / revistawho.com
