Majlinda Bregu flet për ‘përplasjen’ me të bijën: Më shqetësojnë lajmet e portaleve

Nënat janë të gjitha njësoj, të dashura dhe të përkujdesura ndaj fëmijëve të tyre, pavarësisht statusit që ato mund të kenë. Por kur mamin politikane ta njeh gjithë Shqipëria, përveç shqetësimeve të zakonshme nënë-bijë, shtohet dhe ruajtja e imazhit apo rënia pre e shkrimeve nëpër portale. Ish-ministrja Majlinda Bregu, e ftuar në emisionin “Studio e Hapur ” tregoi se ka përjetuar një situatë tensioni me të bijën pikërisht për këtë shkak.
Kejda Ajazi, vajza e ish-deputetes, ndjek studimet në Bruksel por herë pas here përflitet në media për pamjen e saj apo për blerjet e shtrenjta. Kjo gjë mesa duket e shqetëson politikanen.”Një herë ma mbylli gojën, kishte hedhur një foto duke ecur rrugës dhe portalet shkruanin se bënte shopping. Unë flas me të dhe i them: Nuk gjeje dot një vend tjetër për të kaluar? Po aty e kapa që thashë një budallallik. Ndërsa Kejda më tha: përse kërkon të më kushtëzosh lirinë?’. I thash vetes qetësohu, por më shqetësojnë lajmet e portaleve” – tha Bregu
Burimi: Gazeta Shqiptare