Deputetja e Partisë Demokratike, Majlinda Bregu, e ftuar në programin e të premtes në “Vizion Plus”-“Oktapod”, ka folur për herë të parë mbi aferën e shumëpërfolur të makinave qeveritare tip “Jaguar”, si dhe ka rrëfyer detaje nga jeta e saj private, siç ishte puthja e parë në moshën 20-vjeçare. Bregu madje ka shpalosur talentin e saj në të kënduar. E ulur në mes të Albano Bogdos dhe Julian Dedës, ajo i është përgjigjur kështu, disa prej pyetjeve të tyre.
JULI: Si veterane e “Jaguar”-ëve, se ti e ke një “Jaguar”, a mund t’i japësh qeverisë disa këshilla, çfarë duhet të kenë kujdes? Se do marrin disa “Jaguar”-ë dhe ta dinë çfarë duhet të kenë kujdes, psh, bateritë, mban bateria e “Jaguar”-it mban?
MAJLINDA: E di çfarë kam menduar këto ditë që e dëgjova, i zuri haku i “Jaguar”-it tim. Por nëse ka një gjë që bie dakord si rrallë herë me qeverinë është fakti që të paktën me sa e kam marrë unë nuk është makinë e shtrenjtë, nuk e di me sa e kanë marrë këta.
JULI: A është komode si makinë, shtrihesh kështu shtrihesh, p.sh. në rrugë të gjata a mund të flesh gjumë?
MAJLINDA: Unë me thënë të drejtën nuk rashë asnjëherë në dashuri me “Jaguar”-in, pavarësisht se e bleu im shoq, por gjithsesi është një makinë që është aty.
ALBANO: Zonja Majlinda, e kupton çfarë sapo bëre, sapo dole kundra linjës së partisë suaj, ajo ka një javë që merret me “Jaguar”-ët? Mos ia bëni zotit Basha për karshillëk?
MAJLINDA: E kam të qartë, por unë nuk kam çfarë të bëj se qëlloi që përpara kësaj qeverie kisha blerë një makinë që kishte emrin “Jaguar”.
ALBANO: Nëse do ishe gocë e re beqare dhe Zoti do të thonte që për të bërë karrierë politike, duhet të kishe marrë një nga PS-ja, kë do zgjidhje?
MAJLINDA: Me sa i sjell ndër mend do të kisha mbetur beqare gjithë jetën.
