Është e njohur nga roli i saj si protagoniste në ‘Shtëpiaket e Dëshpëruara’, por Eva Longoria është gjithashtu një producente e suksesshme dhe së fundmi një mama. Në një intervistë për ‘Mirror, Eva ka folur pak për lidhjen e saj me vogëlushin vetëm 10-muajsh, si dhe këshillat që ka marrë nga mikeshat e saj. 44-vjeçarja ka zbuluar se një nga gjërat që ka mësuar nga mikesha e saj Victoria Beckham ishte organizimi i aktiviteteve të fëmijëve dhe çfarë pëlqente më shumë ishte përfshirja e saj në to. “Kur ishte 6 javësh, unë nuk kam ndaluar. Kam qenë në xhirime dhe në të njëjtën kohë i jepja gji Santit. Kam qenë me fat që kam vazhduar të bëj atë që pëlqej më shumë dhe jam e lumtur që ai ka qenë pranë meje”, është shprehur Eva në lidhje me karrierën e saj dhe eksperiencën si një nënë e re. Kujtojmë se vetëm pak kohë pas lindjes, aktorja u shfaq në festivalin e filmit në ‘Cannes’ në formën e saj më të mirë./revistawho.com
