Projektet e njëpasnjëshme kanë bërë që Dafina Zeqiri të jetë një nga këngëtaret më të dëgjuara të momentit. Ajo po punon për albumin e saj të ri “Dafinë moj” që pritet të publikohet shumë shpejt. Mirëpo një risi e këtij albumi do të jetë pjesëmarrja e nënës së artistes, e cila ka kënduar në rininë e saj. Ajo do të këndojë pjesën hyrëse të albumit. Përveç kësaj, nëna e Dafinës paska talent edhe rap-in. Kjo vihet re në një foto të ndarë nga Dafina në “Instagram”. Ajo i ka thurur disa vargje këngëtares, bashkë me diss. “Mamaja ime është më e mira”, ka shkruar Dafina mbi foto. Kjo foto me siguri ka shkaktuar shumë të qeshura tek ndjekësit e këngëtares, të cilët mezi presin albumin e ri të saj.
