Gigi Hadid e mban vajzën sa më larg rrjeteve sociale dhe nuk e ka treguar kurrë portretin e saj, por e ëma e modeles ka zbuluar së fundmi se kujt i ngjan vogëlushja. Yolanda Hadid ka rrëfyer se vëren një sërë tiparesh që ka mbesa e saj Khai me nënën e saj të ndjerë Ans van den Herik. 58-vjeçarja tha për Entertainment Tonight se ka dalluar ngjashmëri të madhe midis mbesës dhe nënës së saj, e cila ndërroi jetë në moshën 78-vjeçare në Tetor 2019.
“Ndjehem sikur nëna ime u kthye në këtë qenie të vogël njerëzore, e pabesueshme”, tha Hadid.
“Faleminderit Zotit që e patëm këtë fëmijë tani, ajo është bekimi ynë më i madh. Dhe jam shumë e lumtur çdo ditë nëse arrij ta shoh atë”, u shpreh nëna e Gigi Hadid.
