Maria Vjollca, mamaja e Luanës dhe Marinës ka festuar ditëlindjen mbrëmjen e djeshme dhe surprizat për të nuk kanë pasur fund. Fillimisht, vajzat i kishin organizuar një darkë me personat më të afërt. Torta e ditëlindjes ishte gjigande dhe përmbante një ‘film’ të jetës së saj, me foto që nga fëmijëria e Luanës dhe Marinës. Megjithatë, dhuratat nuk mbaronin këtu. Moderatoret i kanë dhuruar një makinë mamasë së tyre, të tipit ‘BMW’ e viteve të fundit. “Mrekullia, dashuria, jeta ime ju që më uroni me kaq mirësi, dashuri e vlerësim në rrugën time të jetës, përmbledhur në një tortë gjigande në vrapin e rrugëtimit tim, dhe me emocion të pa përballueshëm. Tani më thoni ndalo vrapin, relaksohu dhe shijo makinën, dhuratën me zemër plot. Faleminderit jetët e mia”, ka shkruar Maria në një postim në ‘Instagram’, ku tregon momentet e festimeve dhe momentin kur mori dhuratën. Luana dhe Marina e kanë shprehur shpesh herë që kanë një marrëdhënie shumë të mirë me mamanë e tyre, madje i shohim nëpër komente teksa ‘zihen’ për vëmendjen e saj./revistawho.com
https://www.instagram.com/p/BuqkbioHlYi/?utm_source=ig_share_sheet&igshid=s6qn9omihbe
