Këngëtarja shqiptare me famë ndërkombëtare, Rita Ora, ka vizituar së fundmi Kosovën, por jo për të mbajtur një koncert. Ajo ndodhet në vendlindje së bashku me mamanë e saj, si përfaqësuese e ‘UNICEF UK’ për të parë gjendjen e fëmijëve me vështirësi ekonomike.
Në rrjet kanë qarkulluar foto të ndryshme të Ritës, e cila ka vizituar vende të ndryshme pranë rasteve në nevojë.
Pas këtij hapi të rëndësishëm të 28-vjeçares, ka qenë mamaja e saj, Vera Ora, e cila ka publikuar një video të këngëtares duke mbajtur fjalim për të gjithë fëmijët në nevojë, bashkangjitur së cilës ka shkruar: “Vajza ime e vogël humanitare, Rita është duke mbështetur fëmijët dhe ‘UNICEF UK’. Ke inspiruar kaq shumë të rinj në Kosovë, të cilët ndoqën rrugën tënde, një rrugë që ti e bëre me anë të talentit dhe dedikimit tënd. Ti mbetesh roli model i mundësive që do të zgjasin përgjithmonë. O rrush bre”.
Kujtojmë se mamaja e Ritës është një nga mbështetjet më të mëdha të saj. Ajo ka publikuar herë pas here foto të ndryshme nga nismat humanitare që vajza e saj ka ndërmarrë në periudha të ndryshme kohore./revistawho.com
