Katër javë më parë Tia ishte një vajzë e shëndetshme si gjithë bashkëmoshatarët e saj, derisa një ditë u ndje keq. Pak ditë më vonë, mjekët e diagnostikuan të voglën me një kancer të rrallë të indeve të buta, që ishte përhapur në kocka. Asaj iu dha vetëm 5 përqind shanse për të mbijetuar. Tia u vendos në koma dhe iu dha adrenalinë për ta mbajtur në jetë, por 12 – vjeçarja ndërroi jetë të premten e shkuar pasi pësoi infeksion në kraharor dhe helmim të gjakut. Mjekët i thanë se nuk mund të bënin më asgjë për 12 – vjeçaren dhe nënës së saj iu desh të merrte vendimin më të vështirë në botë, t’i hiqte asaj adrenalinën që e mbante në jetë. Sarah tha për Wales online: “Nuk doja që të vuante më shumë. Trupi i saj nuk mund të përballonte më shumë dhimbje. Ishte një fëmijë fantastik.”
