Mand Peza dhe Marçela Lati janë bashkë prej shumë vitesh. Madje disa ditë më parë festuan 20 vjetorin e dashurisë. Të ftuar ditën e sotme tek ‘Rudina’ ata kanë treguar si ka nisur gjithçka. Herë pas here plotësonin njëri-tjetrin dhe çdo gjë e tregonin me emocion. Si fillim nisi Marçela e cila tregoi se janë njohur në shkollë. “Mandi erdhi në një aktivitet që përfshinte të gjitha shkollat e Tiranës, një Rin Fest në 1998-n. Ai njihte zyshën time, Nora Malaj. Unë isha në grupin e atletikës, por kisha ndrydhur këmbën dhe kalova nga modelet. Kur Mandi më pa me to më tha: ‘Po ti? Hiç mo kot për të lënë orët e mësimit,-i thashë”, dhe këtu nisi çdo gjë për çiftin e dashur të ekranit.
Pastaj gjërat kanë vazhduar në statusin e një shoqërie derisa pas tre muajsh Mandi i propozon. “Si mendon sikur të qëndronim bashkë për disa kohë?- i ka thënë ai, ndërsa unë ju përgjigja do të mendohem, pavarësisht se ‘disa kohë’ më pëlqeu”, thotë më tej ajo. Mandi tregon se Marçela ishte e re në atë kohë dhe kishte ëndrra për të ardhmen. Tashmë të dy kanë ndërtuar një familje dhe një biznes të suksesshëm me punë të fortë dhe dashuri./revistawho.com
