Manjola Nallbani ka qenë në ‘Jo vetëm modë’ ku u bë pjesë e një bisede të sinqertë me moderatoren Orinda Huta. Ajo foli për koncertin recital të pak ditëve më parë, por jo vetëm. Jashtë bisedës nuk mund të qëndronte familja e saj dhe në këtë moment këngëtarja e dashur për publikun nuk i mbajti dot lotët. Manjola rrëfeu se një nga këngët që këndoi në recitalin e saj ja ka dedikuar njërës prej vajzave të saj, që jeton në Londër dhe e sheh rrallë.
“Ne jemi prindër shumë të lidhur me fëmijët. Unë edhe kur shkoj jashtë dhe më thonë, akoma nuk je mësuar dhe unë u them: kurrë nuk kam për t’u mësuar. Sa të kem jetë nuk do mësohem me këtë gjë. Këtë këngë nuk desha ta këndoj në mes se e di se sa herë ta këndoj kam këtë lloj ndjesie”,-u shpreh ajo e përlotur.
Manjola interpretoi dhe dhuroi emocion tek të gjithë admiruesit e muzikës së mirë me koncertin “Jetë me ju” që u mbajt më 16 maj. /revistawho.com
