FOTOT: Altin Çelmeta
Ylli i muzikës shqiptare, Manjola Nallbani, e njohur për veçantinë e saj si këngëtare e të gjitha zhanreve, duke nisur nga muzika e lehtë, popullore e më tej operistike, ka prezantuar mbrëmë në një festë glamuroze albumin e saj të katërt, nën titullin “Tingujt e shpirtit tim”. Në fjalën e rastit, artistja e dashur, falenderoi të gjithë të pranishmit, duke i konsideruar atë pjesë të rëndësishme të rrugëtimit të saj jetësor e artistik… “Këtë album ia dedikoj familjes sime, të cilën nuk do ta ndërroja as me 10 karriera 30-vjeçare”, u shpreh Nallbani. Pas saj në skenë u ngjitën figura të shquara të muzikës si: Zhani Ciko, Agim Doçi e Jorgo Papingji, të cilën shprehën konsideratën e tyre të thellë për personalitetin artistik të Manjola Nallbanit, si një ndër emrat e artë të muzikës shqiptare. Për të përshëndetur të pranishmit, Nallbani solli një kolazh të këngëve të saj të vjetra dhe krijimeve të reja, të cilat u shoqëruan me ovacione nga të ftuarit dhe madje disa prej tyre iu bashkuan asaj në këndim. Albumi erdhi në dy CD, njëra me këngë popullore dhe tjetra me këngë të lehta, krijime të reja por edhe ripunime të hiteve të saj. Të ftuar në këtë event, ishin personalitete të shquara të jetës artistike dhe politike të tillë si: Klajda Gjosha, Mimi Kodheli, Liri Berisha, Ardit Gjebrea, Agron Llakaj, Silvana Braçe, Aurela Gaçe, Irma Libohova, Eranda Libohova, Eli Fara, Artiola Toska, Petrit Malaj, Kastriot Çaushi, Kastriot Tusha, Ardian Trebicka, Albërie Hadërgjonaj, Ardi Asllani, Rezarta Skifteri, Enada At’ Nikolla, Alda Bida, Petri Bozo, Zhani Ciko, Agim Doçi, Jorgo Papingji, Edmond Zhulali, Luan Zhegu, Dashnor Diko, Shkëlzen Jetishi, Oni Pustina, Linda Poda, etj. Për të gjithë të ftuarit Manjola shpërndau albumin e ri, me një dedikim personal…
[metaslider id=8144]
