Në tre netët finaliste të “Kënga Magjike”, Ardit Gjebrea kishte në krah një nga vajzat më të bukura shqiptare, Adrola Dushin. Ajo ka shkëlqyer në çdo moment, duke i dhënë tjetër sharm skenës së madhe të “Kënga Magjike”. Veshjet e saj ishin stiluar nga “Geraldina Sposa”, ndaj nuk kishte si të mungonte një dedikim nga vetë Marcela Lati. “Një modelim i shkëlqyer i Adrola Dushit në skenën e Këngës Magjike. Askush nuk i interpreton fustanet e Geraldina Sposa më mirë se ajo, jo më kot është e preferuara e pasarelës dhe katalogëve tanë. Në tre netë ajo nuk zhgënjeu në asnjë moment, e veshur me stile, ngjyra të ndryshme, modele të larmishme ajo diti të ishte gjthmonë me shkëlqim, klas, elegancë, provokuese, sharmante, e pafajshme…të gjitha në një. Në tre netë ajo ishte thjesht Adrola: vajza që duket e bukur me secilin nga fustanet tona”, shkruan Marcela në një foto ku Adrla shfaqet e veshur me një fustan të bardhë. Kujtojmë se ashtu siç dhe ajo e shprehu, Adrola është një nga imazhet kryesore të Geraldina Sposa.
