Me siguri e mbani mend vitin që lamë pas, kur ‘Geraldina Sposa’ dhuroi emocion për të gjithë me sfilatën më të madhe që na kanë parë sytë. 109 m pasarelë, në një nga rrugicat me gjelbërim të hotel Rogner. Marcela Lati edhe sot e përshkruan me shumë emocion çdo detaj të asaj dite. Këtë vit sfilatën e shumëpritur do të munden të shohin të gjithë ata që nuk kanë pasur mundësi të ulen në një nga karriget e shumëdëshiruara për vite me radhë.
Ndërsa vetë veshjet dhe krejt pasarela do i dedikohet nuseve të Geraldinës. “Eventi do të zhvillohet në 3 qershor në ‘E diela shqiptare’ në Tv Klan. Pas mbarimit nuset do të bëhen pjesë e dy shorteve ku do të dhurohen 23 fustane dhe çmimi i madh i një muaji mjalti në Maldive”, -ka thënë Marcela Lati për ‘Tirana Post’. E diela e 3 qershorit do të jetë një ditë e mbushur plot me emocione…/revistawho.com
