Mariah Carey ka qenë gjithmonë në qendër të vëmendjes mediatike për jetën e saj sentimentale, sidomos për lidhjet me meshkujt më të rinj në moshë. Pavarësisht se të gjithë janë kuriozë për jetën e saj në një intervistë të dhënë së fundmi për “Cosmopolitan” Mariah ka treguar se në të vërtetë ajo nuk është aspak interesante.
Këngëtarja ka rrëfyer se është një njeri shumë i matur dhe se ka pasur vetëm 5 meshkuj në jetën e saj. “Nuk kam pasur shumë, por ka pasur varietete. Unë kam pasur vetëm 5 njerëz në jetën time dhe mund të them se jam pak puritane, krahasuar me të tjerët”, është shprehur Carey. Ajo nuk i ka treguar se cilët kanë qenë 5 meshkujt e jetës së saj, por është e lehtë të identifikohen 4 prej tyre. Ajo ka qenë e martuar dy herë me Tommy Mottola dhe Nick Cannon. Gjithashtu Mariah ka qenë e fejuar me James Packer dhe tani është e lumtur me Bryan Tanaka. Identiteti i personit të 5-të nuk bëhet i ditur, duke qenë se këngëtarja është përfolur për shumë histori dashurie gjatë këtyre viteve. Këngëtarja e njohur ka dhe dy fëmijë nga martesa e saj me Nick, binjakët Monroe dhe Moroccan. /revistawho.com
