Mariah Carey është dërguar edhe një herë në gjykatë për këngën e saj të famshme të Krishtlindjeve “All I Want For Christmas Is You”. Këngëtarja është hedhur në gjyq nga dy burra që pretendojnë se kanë shkruar një këngë me të njëjtin titull. Andy Stone dhe Troy Powers i kërkojnë këngëtares të paktën 20 milionë dollarë dëmshpërblim për këngën “All I Want For Christmas Is You”, sepse, sipas tyre, ky është titulli i këngës së tyre të festës së vitit 1989. Në dokumentet e reja, të publikuara nga TMZ, Stone dhe Powers pretendojnë se ka ngjashmëri të konsiderueshme në lidhjen lirike, melodinë dhe ndjesinë e përgjithshme, në krahasim me këngën e tyre. Ata shtojnë se Mariah “u ka hequr të drejtën nga këto vepra me historinë e saj dyshuese të origjinës, sikur ato vepra ishin të sajat”.
