Mariah Carey nuk mund të martohet me miliarderin, ja arsyeja

Ai ka bërë publike ndarjen nga bashkëshortja e tij Mariah Carey, në muajin gusht 2014, duke dorëzuar kërkesën për divorc vetëm 4 muaj më vonë por Nick Cannon vazhdon ende të jetë i martuar ligjërisht me yllin e muzikës. Sipas burimeve të “TMZ”, Nick refuzon të firmosë letrat e divorcit, duke e bërë kështu të pamundur që Carey të martohet me të fejuarin e saj miliarder, James Packer. Burimet kanë shtuar se prezantuesi 35-vjeçar ende vazhdon të jetë i dashuruar me Mariah dhe nuk dëshiron që të ndahet zyrtarisht nga ajo. Këngetarja duhet të ndahet ligjërisht me Nick në mënyrë që të martohet me James, me të cilin u fejua në muajin janar.