Thuhet se është më mirë të japësh sesa të marrësh, por mesa duket Mariah Carey është e lumtur që i bën të dyja. Sipas Life&Style, 47-vjeçarja i jep të dashurit të saj Bryan Tanaka 25 mijë dollarë në muaj që ai t’i blejë dhurata. Burimet pranë divës deklarojnë se pasuria e saj shkon rreth 520 milionë dollarë dhe është e qartë që i dashuri i saj balerin nuk fiton aq shumë. Mariah e cila njihet për jetën luksoze i pëlqen të llastohet kur është në një lidhje. Ajo ka qenë e fejuar me miliarderin James Packer i cili i bënte shpesh dhurata dhe tani këngëtarja kërkon të njëjtën gjë edhe nga Bryan. “Asaj nuk i intereson se ai po e blen dhuratën me paratë e saj”, -tha një burim pranë Carey. Është e konfirmuar se në shkurt Mariah filloi lidhjen me balerinin 33-vjeçar, pak kohë pasi u nda nga James në tetor të vitit të kaluar./revistawho.com
