Janë të dyja personazhe shumë të përfolura të showbiz-it, njëra këngëtare e madhe dhe tjetra femra më seksi dhe sensuale në botë. Bëhet fjalë për Mariah Carey dhe Kim Kardashian, të cilat së fundmi janë edhe komshije, pasi i fejuari miliarder i këngëtares ka blerë një shtëpi në lagjen ku banojnë Kardashianët.
Por dy vajzat po komentohen së fundmi edhe për një objekt, i cili mesa duket është i vetmi që i lidhë dhe ajo është unaza e fejesës. Deri tani ishte Kim ajo që mbante në dorë një super unazë diamanti 15 karat, por tashmë është 45 vjeçarja Carey ajo që i thyen rekordet. Unaza që James Parker i dhuroi është 35 karat dhe kushton mbi 10 milion dollarë.
